Нова катастрофа во Баерн-Лусио си замина

• 

  Секогаш се бореше до последен здив

  Додека Флорентино Перез ја тресе фудбалска Европа со сензационални трансфери носејќи ги во Реал Мадрид Кристиално Роналдо (94 Милиони),Кака (68 милиони) ,Бензема (35 милиони) а воедно сакаат да издвојат огромна сума и за францускиот интернационалец од редовите на Минхенски Баерн и со тоа да прават дрим-тим достоен за најголемите подвизи, управата на најтрофејниот германски тим Баерн се реши на сосема спротивен чекор.И покрај заработката на неверојатни 34 милиони евра минатата сезона само од Лигата на шампиони (повеќе дури и од шампионот Барселона),менаџерот на баварците ,Ули Хенес,одлучи по којзнае кој пат летниот трансфер период да го помине релативно ефтино.За доаѓањето на Марио Гомез,Тимошчук,Даниел Прањиќ,Олич и неколку млади таленти Баерн и не се потроши толку многу а доби барем тројца квалитетни играчи.Но,мораше некој и да замине,па така Подолски се врати во Келн,Одо во Милан,Зе Роберто во Хамбургер а на повидок е заминувањето и на Боровски и Кристијан Лел.

• Она што особено ги потресе фановите на 4-кратниот шампион на Европа се чини дека е заминувањето на бедемот во одбраната-бразилецот Лусио.По освојувањето на Купот на Конфедерации со селекцијата на Бразил  минатиот месец,новиот тренер на Баерн  Минхен,Луис ван Гал, изјави дека во иднина нема да смета на услугите на искусниот бразилец,па така Интер го искористи поволниот момент и побрза по неговиот потпис и тоа за само 8 милиони фунти го доведе во своите редови.Хенес без размислување одлучи да го одобри трансферот без притоа да најде соодветна замена за фудбалерот кој во екипата дојде во 2004 година од тимот на Баер Леверкузен и притоа одигра 144 натпревари а постигна 7 гола.Сега во централната дефанзивна линија останаа Демикелис,Ван Бајтен и неискусниот и непроверен на дело-бразилецот Брено.Колкава е веројатноста фудбалер од калибарот на Брено да биде достојна замена за фудбалер којшто изминативе 5 сезони со баварците освои вкупно 9 трофеи,а притоа е капитен на репрезентацијата на кариоките со која исто така има значајни успеси??Да не заборавиме дека иако беше централен дефанзивец,често пати имаше клучна улога во креирањето на нападите на Баерн и беше играч кој никогаш не глумеше на теренот и ретко правеше фаули,сепак тоа не беше доволно за менаџерот да му понуди барем двегодишен договор и да го задржи во тимот.Едноставно го продаде за смешна сума на пари и ги разгневи фановите на славниот германски тим кој речиси цела деценија е мета на потсмев.Веќе цели 8 сезони Баерн ја нема освоено Лигата на Шампионите,нема влез ни до полу-финале од далечната 2002/2003 ниту пак купи некоја ѕвезда од светски ранг.Едноставно,управата и понатаму инсистира на купување на играчи за ефтини пари и притоа има намера да тргне во поход кон трофејот од ЛШ со Прањиќ,Брено,италијанецот Тони кој го промашува празниот гол или беше отсечен од екипата во поголемиот дел од натпреварите изминатата сезона,капитенот Ван Бомел кој демонстрира агресија доста често…
• А што доколку се повреди некој од одбраната?Е тогаш немаме замена ама на Хенес и не му е гајле.Најважно е што сега е побогат за 8 милиони евра од продажбата на Лусио и нема никаква намера тие пари да ги потроши за централен дефанзивец за одбраната да не биде најслабата алка на и онака кревкиот среден ред и прилично несигурниот Ренсинг.Слабите резултати во Европа се чини дека сезонава ќе кулминираат.Дури и просечните голгетери ќе имаат отворен простор кон голот на Михаел Ренсинг,бидејќи ќе нема стабилен стопер кој би можел да му помогне на младиот голман.Неуспехот е неизбежен доколку до крајот на летниот преоден рок не се смени политиката на челните луѓе на Баерн и конечно да се издвојат пари за доаѓање на  ѕвезди ко што имаат силните европски гиганти.Крајно време е Хенес и Румениге да размислат колкави штети и срам му нанесуваат на големиот Баерн со непромислените потези што ги прават зошто во спротивно и Рибери ќе си замине а и некое позвучно име не би сакало да настапува за тимот од Баварија во иднина.