Започнува ФАНТАЗИ ЛШ

За сите фанови на Лигата на Шампионите ако не сте знаеле секоја година УЕФА организира ФАНТАЗИ натпреварување во кое гледачите можат да се натпреваруваат меѓу себе кој е подобар менаџер.

За сите оние кои што не играат прв пат доволно е да кликнат тука (КЛИК) и ако лани или претходните сезони имале тим не ќе мора наново да потполнувате генералии. На сите оние кој им е прв пат кликаат на истиот линк и кликаат на SIGN UP и потполнуваат тоа што им се бара.

Откога ќе го средите сето тоа, одите во JOIN LEAGUE, на празното место го впишувате кодот 64500-13862 и сте влезени во BayernMkd лигата.

Мало објаснување на играта:

Бирате 15 фудбалери од кои 2 голмани 5 дефанзива, 5 средина и 3 напаѓачи. Mожете како сакате да играте. Можете и без напаѓач или со двајца дефанзивци. Мора само да имате 11 фудбалери.

Можете да одберете само 2 играчи од еден тим, но ова е само за правата фаза, потоа се зголемува. За да го создадете тимот на располагање имате 100 милиони. Тоа ви е повеќе од доволно и можете да вклопите повеќе ѕвезди, далеку полесно отколку на другите фантази игри.

Бодувањето е следно:

Голманот ако не прими гол добива +4 бонус(мора да има минимум 60 минути), ако одбрани пенал +5 бонус. За секој втор примен гол има -1. Ако е во почетниот состав +1, ако одигра 60 минути има +2(ова важи за сите). За секои три одбрани има +1 бонус.

Дефанзивецот ако не прими гол добива +4 бонус(мора 60 минути да игра). Асистенција +3 бонус, постигнат гол +6 бонус. За секој примен гол имаат казна -1.

Играчот за врска ако не прими гол добива +1 бонус (мора да игра минимум 60 минути). Асистенција +3 бонус, постигнат гол +5 бонус.

Напаѓачот за асистенција има +3 бонус, за постигнат гол +4 бонус.

За добиен жолт картон -1, за црвен -3. За добиен пенал +1, за промашен пенал -2, за направен пенал -1.

Откога ќе го направите тимот и откога ќе започне ЛШ можете да правите измени колку сакате, но при тоа ќе ви одзема -2 поени за секој трансфер (првиот е без пари). Можете еднаш да искористите и вајлд карта, било колку трансфер без да платите ни паричка.

Како и секоја година Playstation е спонзор на ова натпреварување и доделува награди за најдобрите во светот.

Среќно!!! Нека најдобриот и најсреќниот менаџер победи!