Ван Гал ќе се реши од пет играчи

„Сакам да работам со 22 фудбалери“

Новиот тренер на тимот на Баерн, сака да го намали бројот на играчи кои се под негова контрола на тимот. Во моментов располага со 27, а посакувал со 22.

На крајот на минатата сезона Баерн го претстави Луис Ван Гал како нов тренер, по лошата сезона под водство на Јирген Клинсман.

Но, новиот тренер не е задоволен од бројот на фудбалери кои се во првиот тим, тој вели дека мора да го намали тој број.

„Тоа не е добро. Јас од секогаш сум работел со 22 професионалци и 3 јуниори. На играчите им е важно да знаат дека имаат реална можност да настапат. Кога има премногу играчи таа можност се губи и паѓа моралот. А според мене тоа е клучно и за тренинзите и за натпреварите“ рече прославениот холандски стратег.

Логички, бидејќи во Баерн сега има 27 играчи, на пет мина ќе им се покажат вратите за излез. Спред Bild, тие пет „несреќници“ се: Христијан Лел, Лусио, Тим Боровски, Хозе Еренесто Соса и Лука Тони.

Тони, најдобриот стрелец во последните две сезони, спред германските таблоиди ќе го изгуби местото во тимот по доаѓањето на Ивица Олиќ и Марио Гомез, но самиот италијанец не верува во тоа.

„Добро ми е овде, Баерн ми дава се што сакам. Имаме тим доволно јак за Германија, а со малце среќа можеме да ја освоиме и Лигата на Шампионите. Што се однесува до доаѓањето на Олиќ и Гомез, мислам дека тоа е одлучен потег на тимот“ рече италијанецот.