Пополека се гради дрим тимот на Ван Гал

Големи планови на Ван Гал

Направен е првиот трансфер од неколкуте планирани од страна на нивот стратег Ван Гал, кои фановите на Баерн со нетрпение ги очекуваат.

Со пласманот во Лигата на Шампионите, Баерн имајќи веке средено неколку трансфери очекува да донесе уште неколку играчи за да биде компетитивен следната сезона. Марио Гомез, Ивица Олиќ, Анатоли Тимосчук и Александер Бјаумјохан се веќе средени трансфери.

Новиот број 1 во Баерн?

Гол: Фановите очекуваат на голот на Баерн да видат некој подобар голман, а Ван Гал и Хенес најавуваат нешто и околу тоа. Според германските медиуми Баерн е заинтересиран за голманот на Шалке, Мануел Ноер. „Тој е единствениот голман за кој се интересираме“ изјави Хенес и кажа дека не ни се расправало за Себастијан Фреј.

Али Сисоко или Жирков?

Одбрана: По дефинитивно лошата сезона во одбраната, во која за десен бек се бираше помеѓу Лел и Одо, Баерн решава да купи нов. Одо веќе си се врати во Милан, а Лел баш и не се снајде. Според многу германски и хрватски сајтови позицијата на десен бек во Баерн ќе ја пополни Дарио Срна. „Срна навистина не импресионираше и ќе се потрудиме да контактираме со него“ изјави Румениге. Освен тоа за следната сезона во Баерн се враќа и Андреас Герлиц.

Сериозен кандидат за трансфер во Баерн

Баерн знае дека ова лето ќе добие неколку понуди за Филип Лам, меѓтоа ќе се обиде да го задржи овој најдобар лев бек во светот според Румениге. Како поддршка и замена за Лам се споменуваат Али Сисоко од Порто и Јуриј Жирков од ЦСКА Москва.

Лусио и Демикелис најверојатно ќе останат уште на своите позиции, со Даниел Ван Бајтен и Брено како замени, иако Брено најави дека може ќе оди на позајмица во друг Бундеслигашки клуб.

Хлеб или Снајдер?

Средина: Сигурни во средината може да се наречат Марк Ван Бомел, Бастијан Швајнштајгер и Хамит Алтинтоп од досегашните и новите Тимосчук и Бјаумјохан.

Зе Роберто се уште се довоуми за следната сезона, но најверојатно ќе остане уште една па потоа ќе се пензионира, со што под знак прашалник се става местото на Отл во тимот.

Иако се уште нема ниту една официјална понуда, сепак низ медиумите многу се шпекулира за можно заминување на Франк Рибери. Како можни дестинации се споменуваат Реал Мадрид, Манчестер Јунајтед и Барселона.

Но, управата на Баерн веќе планира и поткрепа за него. Ули Хенес го посакува Весли Снајдер од Реал, но според германските медиуми парите за Александер Хлеб се веќе спремени.

Напад: Нападот за следната сезона ќе биде од прва класа. Миро Клосе и Лука Тони беа во тимот, а сега се приклучуваат и Ивица Олиќ и Марио Гомез, а пополека се наметнува и Томас Милер.

Можно е еден од напаѓачите да го напушти тимот, а најверојатно е тоа да биде Лука Тони, сепак тоа се само новинарски шпекулации, а јас верувам дека Ван Гал ќе најде место за сите.

Поранешниот тренер на Баерн, Отмар Хитцфелд, ги оправда досега направените трансфери изјавуваќи: „Неможеш да успееш во Европа со тројца напаѓачи, доколку очекуваш успех треба да имаш барем четири квалитетни играчи, затоа мислам дека Баерн нема да продава“

Доколку се остварат плановите на управата на Баерн и Ван Гал тогаш со сигурност година ќе бидеме во врвот на европа, борејќи се за европските титули.