Хејнкес го врати оптимизмот

„Катастрофална сезона на Баерн“ ,„Ќе биде полошо и од пред две години“ – беа мислењата на голем број на фанови, додека сезоната се приближуваше кон крајот а Клинсман не правеше ништо.

Но, управата превзеде мерки, за да не го проследиме крајот на сезоната како некој филм со тажен завршеток. Човекот од кого се очекуваше да го воскресне Баерн на европската сцена, го направи токму спротивното. Го донесе тимот на едно ниво кога фановите Волфзбург можеа да не зафркаваат, а ние немавме образ да им вратиме.

По лошите резултати, следуваше и казната, Клинси доби клоца, а на кормилото привремено се смести Јуп Хејнкес. Искусен тренер, човек во години, кој има авторитет над играчите (за разлика од Јирген кој само ги гледаше натпреварите како обичен фан).

Дали заради тоа што е нов, или заради тоа што е добар, на Баерн му тргна. Почна да победува, а кај фановите се врати повторно оптимизмот за спас на сезоната.

На блогов некое време стои анкета „Дали Баерн ќе ја освои Бундеслигата?“ пред да биде отпуштен Клинси имаше повеќе одговори за НЕ, бидејќи фановите веќе немаа ни надеж.

Но, уште на денот кога Хејнкес ја доби позицијата на тренер, нештата почнаа да се променуваат. Имаше се повеќе гласови ДА, па еве веќе е направен и пресврт.

И тоа е вистина, Баерн го стигна Волфзбург и сега со неколку победи со повеќе гола разлика можеме да станеме шампиони. Оптимизмот се врати во Баерн, не само кај фановите во Македонија, него низ цел свет.

Се надеваме дека Хејнкес колку толку ќе ја спаси оваа сезона, а за следната мора да се превземат мерки. Баерн не смее да повторува грешки кои веќе ги има направено.

Мора да се најде квалитетен и искусен тренер кој ќе има авторитет врз играчите и да се донесат неколку добри играчи за тимот да зајакне.

Крајно време е Баерн да се врати таму каде што припаѓа, на врвот на Европа.